加拿大樂壇天王Justin Bieber與索模未婚妻Hailey Baldwin於美國時間前日被影到手拖手去紐約法院的婚姻註冊署，據知他們是去領取結婚證書！
有幾名目擊者表示Justin當時激動喊晒，並向Hailey說：「我實在等唔切娶你，寶貝。」又有指他向工作人員要求幫他們低調處理，所以不排除他們已婚！根據紐約法例，結婚證有效限期為60日，所以二人仍有機會於今年內正式舉行婚禮。有目擊者稱聽到二人表示正準備出埠。而前晚Hailey以代言人身份出席化妝品公司在紐約舉行的宣傳活動，昨日她亦預告下周一會為倫敦時裝周行騷，叫Fans留意。
Justin與Hailey兩年前拍拖，多次離合，直至今年3月，他與拍拖多年的女友Selena Gomez分手，3個月後就爆出與Hailey翻撻，並於7月在巴哈馬度假時訂婚。已婚消息傳出後，大批網民在社交網留言表示唔睇好，有網民留言稱Justin終於修心養性，亦有人留言：「佢（Justin）精神有問題，認為結婚同生仔可以拯救佢，但其實唔得囉！」更有網民留言：「有冇人可以解釋畀我聽點解佢哋咁想結婚？真係唔明白。佢哋太後生喇！」