排球女神鄭瑞琳獨愛一碌竹
模特兒鄭瑞琳（Niki）是排球發燒友，現時於香港樹仁大學就讀英國語言文學系，眉粗粗外形帶點Cool，但其實健談又搞笑，並憧憬加入演藝圈，不介意做諧星：「我唔介意演類似苑瓊丹嘅角色，好多朋友話我搞笑，話望住我就已經係一個笑話，好想笑。好多人開頭覺得我好惡、好難相處，識落就知我傻傻哋，我都唔介意帶歡樂畀大家。（鍾意演戲？）鍾意呀！中二開始參加戲劇比賽，因為讀女校，我聲音較低沉，身高又高啲啲，都做咗好多年男主角。」
師妹仰慕狂(目及)
自小已熱愛打排球的Niki，中學時更是校隊隊長，在球場上有獨特的吸引力，問到有否吸引鄰校男生狂(目及)？她說：「都有男仔嚟偷睇我哋打波，我啲隊友好期待，但我就專心打波，冇咩留意！不過記得反而有女仔撩，有同學係咁讚我打波時好靚，又有師妹仰慕我。（取向有動搖過？）女校一定有TB，一定有動搖過，但入到大學後肯定自己係鍾意男仔。」
擇偶着重才華
問到喜歡的男士類型？她表示最好像周杰倫一樣有才華：「欣賞佢有才華，識好多樂器，我都鍾意中國風音樂，揀男友60%睇佢有冇才華，外形只佔30%，我鍾意高瘦嘅男仔，瘦到爆晒青筋就啱，以前啲男友都係一碌竹。」
Profile
鄭瑞琳（Niki）
年齡：22歲
身高：1米70
三圍：33C、23、33