朱千雪男友停飛團圓夢碎

朱千雪冇男友陪過暴風夜，惟有掃定貨「食自己」。

藝人朱千雪昨日出席中秋活動，即場親手製作月餅，指每年中秋都會與姨媽、姨丈食飯，問到與醫生男友分隔兩地，豈非不能人月兩圓？她透露男友原定這兩日由新加坡飛來港「團圓」，但受颱風「山竹」影響，最終要取消機票：「可能佢要過咗中秋先嚟到！（好失望？）唔緊要，咁咪遲少少嚟，個風都係打廿四個鐘。」提到最近多位前港姐師妹傳來喜訊，幾時輪到她？千雪搞笑說：「要同男友度期！我唔心急，唔係人哋結我就結！」

面對颱風來襲，千雪表示已做好防風措施︰「諗住呢兩日都唔出門，買咗好多嘢食，驚喺屋企悶要搵嘢食吓！同埋住咁多年都未試過買膠紙，今次都買咗。（唔驚肥？）驚嘅，好彩個風都係打一、兩日，如果打一、兩個禮拜，可能下次見面大家唔認得我！」

張敬軒押後簽唱會

由於明日「八號波」機會相當高，天文台甚至不排除懸掛更高颱風信號，但前DJ卓韻芝今日在中環外國記者會舉行婚禮，圈中好友蔡卓妍及一班DJ等舊同事都會出席。不過，準新娘子未見擔心，昨日還上載一張露腹肌相「找數」，皆因她曾講過要為非常貼身的婚紗而操弗身形，獲不少網民讚弗到爆。

另外，明日很多活動已提前宣布取消或改期，包括張敬軒原定在尖沙咀舉行的演唱會DVD簽唱會，決定改期至10月中才舉行；由鄭伊健、陳小春、謝天華、錢嘉樂及林曉峰主演的電影《黃金兄弟》沙田首映儀式，亦改期到下周二舉行，而林曉峰跟太太康子妮原定明早出席的慈善中秋活動則宣布取消。至於明晚徐小鳳的紅館演唱會尾場，如果掛八號風球，主辦單位表示會透過官網作出通知安排。

張敬軒原定周日舉行簽唱會，現時被迫改期。

卓韻芝晒腹肌照，有信心在颱風逼近下如期行婚禮。