對於馮盈盈的出位言論，同是港姐冠軍的陳庭欣力撐師妹夠貼地：「節目效果啫！佢哋每集都有主題，盈盈嗰刻係以主持心態無保留去講，夠貼地啫！呢個節目向來話題都會誇張啲！」至於會否覺得言詞有問題？她說：「個節目係錄影，有好多人睇過，包括監製等審批，佢哋話OK出得就OK啦！（你會好似佢有咁爆言論？）我哋年紀大，爆嘅能力冇咁強，不過我哋《東張西望》都好多爆點，大家不妨留意吓，想當年我講食燈籠、玩月餅都唔夠人爆添！」
而2013年港姐季軍劉佩玥亦指盈盈只是覆述網民的意思，不是其想法：「其實佢係口快快咁去覆述其他人嘅說話同誤解，我覺得有時候人係要選擇用咩態度同喺咩情況之下去表達自己嘅想法，而接受訊息嘅人其實都係一樣。所以咁樣講係佢嘅選擇，冇話啱定錯，但觀眾亦可以選擇點去過濾同理解。」