徐克發掘趙又廷韻味

名導徐克新片《狄仁傑之四大天王》集合趙又廷、馮紹峰、林更新及阮經天等多位型男參演，提到第三度拍攝唐朝人物「狄仁傑」，問到是否有情意結？徐克說：「有人同我講唔好拍咁多續集，但精彩人物一個故事係講唔晒，一套完咗，仲有好多嘢剩番，如果放喺另一個人物身上係可惜，『狄仁傑』係獨一無二嘅。（有壓力要比上兩次拍得更優秀？）愈來愈好係一定要，觀眾係有要求。」雖然特技及場景製作龐大，但他直言最需要雕琢的是人物，並讚幾位男角都進步不少：「林更新今次成熟咗好多，仲有趙又廷同馮紹峰都有唔同韻味，要諗點樣運用佢哋。」