黃文意錯愛男藝人慘遭瞞騙
憑36D「最強胸器」而人氣升呢的無綫藝人黃文意，自嘲身材只是普通貨色，單身的她直認好恨拍拖，自爆入行時曾被男藝人欺騙，竟然背住她與前度及其他女藝人有不尋常關係，這段恐怖經歷令她難以忘記。
黃文意（Mandy）這位10億千金為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）分享入行趣事及愛情世界，她憑「最強Body」而為人熟悉，她說：「其實我身材唔係真係咁好o架咋！係角度嘅問題。」她坦言不滿意身材，因為很多人覺得她上鏡比較肥，當日她在旅遊節目中穿三點式，畫面震撼，她笑說：「其實以前我冇比堅尼，因為我唔係好識游水，亦都好少游。」
早前她與年紀大一截的唐文龍傳出緋聞，但她笑言喜歡小鮮肉多過成熟男，又直認恨拍拖，但最憎同時間追幾個女仔的男仔，她自爆入行時曾經與男藝人約會過，留下可怕經歷。
社交平台洩密
她說：「首先我要澄清個圈內男仔同我年紀一樣嘅，嗰陣時我覺得發展得幾好，因為一套劇佢多人識咗，佢就開始忙，由始至終我都信佢，直至有次佢還番個平板電腦畀我，但佢唔記得登出佢個社交平台，我見到有女藝人搵佢，對話內容奇怪到我要即刻撳入去睇，唔止曖昧，睇完我好震驚，嗰個女藝人係佢以前女朋友，我忍唔住睇埋其他，發現仲唔止一個。」原來故事未完，她明白到有些男生好叻，有心呃你可以好爆，想知道故事下集？記得本周五、六、日收睇《閨蜜睡房》。