無懼「山竹」做婚禮司儀 森美：打風打唔甩
藝人森美昨日在「百里嘉」3號風球下出席商場活動，提到另一超強颱風「山竹」周日撲港，他笑言當日要擔任婚禮司儀：「真係打風打唔甩喇！如果8號波我都會照去，啲親友嚟得嘅就係好錫對新人，以前都試過打風做婚禮司儀。」
他透露近日與黃翠如合作新劇《過街英雄》：「佢尋日收凌晨四點，凌晨六點就又要開工，我夜晚收工時同佢講『我同爸爸媽媽去食飯喇』潤佢！佢成年冇拍劇，今次真係犀利，演技唔在講，人仲靚咗，我叫監製放晒啲戲喺佢身上。」他又稱拍劇之餘要兼顧電台工作，雖然辛苦，但很享受，並讚無綫的幕後工作人員最有人情味，而高層也待他不錯。提到《都市閒情》變革將停播，他說：「好惋惜，我由細睇到大，好鍾意睇婦女節目，節目係畀有求知欲嘅青年睇，唔係淨係畀婦女睇。」