姊妹感動到喊陳瀅賴慰玲霸位做契媽
陳嘉寶宣布有喜，一班好姊妹都開心不已！陳瀅昨日出席活動時表示：「成個人彈起，嗌咗出嚟，Cheronna都話感動到喊！」她表示見證好友結婚懷孕，心情興奮：「我哋唔使爭做契媽，實會做！個BB一定得到萬千寵愛，因為Anjay人緣好好！」但坦言未知胎兒性別，未決定送甚麼禮物：「我哋星期六會見面，睇吓到時佢肯唔肯講。」
而蔡穎恩（Evelyn）坦言早知好友懷孕，還讚她是勤力媽咪：「工作照做外，佢一直努力做Gym，希望身體更健康、更強壯咁佗BB。」又透露一班姊妹得知消息時，統統感動到喊：「可以陪佢見證到新生命嘅出現，真係好開心同好期待！講好咗將來佢如果要拍戲，大家就幫手湊BB。」提到Anjaylia佗B百無禁忌，她說：「佢依家差唔多6個月喇，其實都唔使太擔心，孕婦唔係咩都唔做得o架，只要小心謹慎，好多嘢都可以做。」
至於賴慰玲笑言已霸位做BB契媽：「好開心呀！好興奮呀！我仲緊張過佢，不斷問候佢！不過見佢佗得又靚又精神，都好放心！（會做契媽？）Yes！」並笑言很期待BB出世，成為兒子的玩伴。而陳凱琳上載與Anjaylia的合照送祝福：「好感動，佢之前佗B都嚟我嘅婚禮，證明係好姊妹，冒險咁過嚟！」