《第75屆威尼斯電影節》主競賽電影《The Sisters Brothers》於前日舉行首映禮，法國導演Jacques Audiard與美國男星尊萊利（John C. Reilly）齊齊現身，他們在記者會戴上「50/50運動」扣針，支持爭取2020年可以有一半男性一半女性參賽。尊說：「其實我唔係好清楚50/50運動。我見到佢哋戴住扣針就諗，都幾型！佢哋簡單話我聽背後個理念，我想講我認為所有參與呢套電影嘅人都係女權分子。而我自己屋企都係50/50，因為我係同老婆Alison Dickey一齊監製套戲。」