藝人余香凝昨日到電台宣傳電影主題曲《陽光普照》，提到穿校服拍新片，她坦言遺憾現實中沒試過雙方都穿校服的Puppy Love：「當時冇諗過，冇呢啲回憶，但今次套戲都冇。我素顏演出，啲人話唔認得我，因為我仲寒背同戴眼鏡，又特登食多啲令自己有Baby Fat，會成日見到個雙下巴。」問到讀書時是否都這樣？她自爆非常貪靚：「如果影相，我會搽遮瑕膏同有色潤唇膏。嗰時我留蔭，但用咗啲硬Gel，畀師姐笑我點解搞到咁『令』。」
