黎瑞恩喊到變豬頭

歌手黎瑞恩昨日到電台宣傳新歌《如果我有事》，她認為歌詞很感動：「錄音嗰時我喊到豬頭咁，幾個男人嚇到問我有冇事。」問到在家可試過喊？她笑言曾被仔女激到幾乎喊：「嬲到有啲想爆，又要諗到好完美嘅答案去解決問題，其實父母真係絞盡腦汁，轉數會快啲。依家駁嘴嘅程度唔係以前嗰啲，有次我鬧個仔，我話『你係唔係人』，佢話『爹哋係人，你係人，我係你哋生嘅，我唔係人咁係咩？』我笑咗出嚟，鬧唔到啦！」