Cheronna愛零束縛唔着衫通屋走
女子組合成員吳嘉熙（Cheronna）沉醉於被隊友讚她有魔鬼身材時，竟直認在家中有「裸體」及「祼睡」習慣，惹來姊妹們圍攻追問跟男友的閨房事，又拖埋她「老爺」夏雨落水，搞到極尷尬的她「笠水」口啞啞。
前晚組合Super Girls五位成員穿上露臍裝演出新城音樂會，笑言打扮不算性感，又指全隊中以Cheronna身材最火辣，她即望着Pat Pat自嘲：「我某啲位係多咗啲肉嘅。」Aka即爆她夠大方，可任人摸：「平時一齊喺間房度，佢可以唔着衫周圍走，我哋係會望嘅，佢好似野人咁。」Cheronna自爆覺得在家中最緊要舒服，故她愛「裸體」：「冇衣服嘅束縛。」Heidi笑言：「好有遐想。」Aka亦認同：「見過一個肉色物體走過。」
赤條條開心Share
「搞事」的Jessica竟問Cheronna在男友黃奕晨家中是否一樣赤條條？她說：「梗唔係啦，係都唔話畀你聽啦！其實我哋好保守0架咋，有冷氣怕凍。（關冷氣囉？）佢（男友）冇冷氣會死0架！」她又承認會裸睡，再被問到男友是否亦裸睡？她未答前，四女已代答：「男仔通常怕熱，唔鍾意着衫。」搞到她忍不住反擊：「佢哋最鍾意爆我料，我鍾意分享啫，但你哋成日爆我啲嘢出嚟！」
她們又笑問Cheronna怕不怕「老爺」（指男友爸爸夏雨）睇到報道？她即大呼：「你做乜嗌老爺呀？」四女笑她：「淨係你嗌得老爺，使唔使咁孤寒呀！都係唔小心叫到啫。」最終她無力反擊收聲。
梁漢文嘆搵食難
同場演出的梁漢文指好友任賢齊為角色變成大肥佬很厲害，得知對方有「三高」時，他慨嘆：「你話搵食幾難！」