諸葛紫岐囝囝日讀兩校做學霸

莘莘學子昨日開學,圈中星級父母紛紛出動接送子女上學!其中名媛諸葛紫岐為了培育4歲多的資優生囝囝薛華韜(Arthur)做「學霸」,安排兒子同時入讀兩間幼稚園,上午返完銅鑼灣學校後,下午就到北角的國際學校上課。至於陳豪為了方便大仔陳梓燁上學,不惜舉家由大埔搬往南灣月租七萬元的新居,又安排兒子秘密轉往黃竹坑的國際學校,與趙薇的女兒做同學!

不少星級父母為了令子女贏在起跑線,都花盡心思及時間栽培子女,與老公薛嘉麟育有一子的諸葛紫岐(Marie)亦望子成龍,昨日大清晨已為開學作準備。昨晨上午10時45分,Marie親自接送4歲多的Arthur到銅鑼灣維多利亞幼稚園,穿短褲晒長腿的她與家傭落車後,即拖着穿便服的兒子步入學校,見記者在場即友善打招呼。同場見藝人應昌佑送兒子應嘉軒上學,嘉軒邊行邊飲益力多,應昌佑透露囝囝今年升讀K2;吳忻熹於昨晨8時許帶囡囡上學,素顏的她見記者在場,即拖住囡囡急急腳入學校。

換校服紮紮跳上堂

Marie與兒子在學校逗留約半小時後就離開,問到囝囝為何沒穿校服?她說:「Arthur升K2喇,今日Play Day以為唔需要着校服。」兩母子之後再去位於北角的漢基國際學校,換上紅色校服的Arthur落車時相當精靈醒目,一臉興奮地紮紮跳步入校園。Marie受訪時說:「Arthur今年讀兩間幼稚園,其實本來我想佢讀全日嘅,但佢又考到漢基,所以畀個仔自己揀,佢好有自主權,等佢自己做決定。佢最後選擇分開上、下午返兩間,等如返全日囉,佢返得開心就得喇!」其實郭可盈的女兒林天若早年亦是分上、下午同時入讀兩間幼稚園,如今她就讀蔡繼有學校,新學年還被選為風紀!

七人車接送

除了Marie外,同樣愛子心切的陳豪早年已為兒子入學事宜奔波,去年他安排大仔陳梓燁入讀半山的幼稚園,原來今年已秘密轉校在黃竹坑的新加坡國際學校就讀K2,與趙薇的女兒同校。昨午約3時,司機駕駛陳豪常用的七人車直入學校停車場,離開時全車拉上車簾,看來是接載梓燁放學。

第一手消息請下載on.cc東網iPhone/iPad/Android/