張紋嘉箍牙前醜樣嚇人
藝人張紋嘉（Crystal）及張崇基等，昨日為才藝大賽任評判。身穿Sharp醒黃色連身褲、大騷長腿的Crystal受訪時憶述入行經過，自言由大學跳舞學會出身，被挑選參加內部甄選，之後去商場演出：「嗰時好大膽，冇咩要驚，因為有成班人一齊跳。」
她又自爆曾於動畫節做Promotion Girl：「當時都要露少少腰，但真係唔好搵番啲相出嚟，唔想睇，好醜樣未箍牙，個齙牙程度，我經理人話放咗炮仗入口咁！」故她好羨慕牙齒又白又齊的人：「一笑起上嚟會好靚。（依家仲要Keep住箍？）箍完O架啦，但如果想要完美啲，就要好有恒心咁去戴牙套。」