連詩雅自封愛情專家能醫不自醫

歌手連詩雅（Shiga）昨日出席小DJ訓練班活動，表示小時候想過做主持人或DJ，更試過扮DJ做愛情顧問，幫朋友解決疑難：「朋友打嚟同我講唔開心，我就會扮DJ同佢解決疑難，然後播歌畀佢聽，過吓DJ癮。」

估估吓解決疑難

問到是否拍拖經驗豐富，故朋友都找她傾訴愛情煩惱？她表示：「唔係，細個冇拍過拖，但好鍾意分析人嘅性格，So Far都7、8成中，我會喺啲細微位觀察，當朋友分享經驗時，我就會套番落去劇集或電影。」

問到現時仍是朋友的愛情顧問嗎？Shiga表示：「好多人鍾意同我傾，我係幾好嘅聆聽者，唔敢話幫到人，但會聽晒佢嘅故事用第三者身份分析。」但她卻自嘲永遠幫到人，但就幫不到自己：「如果朋友叫我分開，我唔一定會聽，除非自己死心，同埋我係拎得起放唔低嘅人，可能比較長情。」她又透露現正準備新歌：「2018年仲未出歌，都有啲心急，但又想做好啲先出。（年尾出？）希望啦。（趕得切頒獎禮？）冇諗攞唔攞獎，只係希望快啲出歌畀歌迷聽。」

林奕匡帶師妹見人

同場的林奕匡（Phil）則透露2004年曾在加拿大參加中文電台的DJ訓練班：「唔知點解會入到去，但第一Round就已經Foul咗，可能因為我中文唔好。」而師妹黃妍就是首次與Phil出活動：「好緊張，但私下都見過，佢好好，有問題問佢會解釋得好詳盡。」

問到兩人可有合作機會？Phil表示他們和組合小塵埃有一起為慈善團體寫歌，至於稍後的演唱會則未必會邀請同門歌手獻唱，但會請他們來睇騷。