無綫處境劇《愛．回家之開心速遞》一班演員，相約飯局為呂慧儀預祝36歲生日，劉丹、單立文、張景淳、蘇韻姿等都有出席。呂慧儀亦相當識做帶埋囝囝「蟹籽」出來與大家見面。
合照時，眾人搞笑地玩「工藤佑采Mode」，模仿落選港姐一齊黑面冇表情，連「蟹籽」都相當投入冇反應，十分搞笑。而單立文除配合玩黑面外，還用叉幫「蟹籽」梳頭，難得對方冇反抗，任由他設計新髮型，相當有趣。