宋熙年誕子！陳智燊剪完臍帶嗌冇意義
恭喜！陳智燊與宋熙年的囝囝出世啦！BB出世時重六磅多，母子平安，樣子更似爸爸咁靚仔。陳智燊親入產房剪臍帶，但笑言未如想像中有意義，不過受訪時亦難掩心中喜悅。
藝人陳智燊（Jason）與太太宋熙年（Sarah）的首個愛情結晶品已誕生，新手媽媽兩日前已開刀產子及出院，現時正在家中休養，初為人父的Jason親自公布喜訊，難掩開心之情，並在社交網上載抱住囝囝的照片，但未能看到囝囝正面，只見他頭髮濃密。
改名唔識中文
他透露兒子出世時重六磅多，健康又可愛，問到是否似他如此英俊？他說：「初出世時我覺得佢似Sarah，不過依家睇睇吓都覺得似自己，啲朋友都話似我囉！」又指未為兒子改名：「我諗住英文名會自己改，不過中文我唔識，所以再睇吓點先！（會否搵師傅改？）睇吓點先！」問到有否陪入產房兼剪臍帶？Jason說：「有呀！不過剪臍帶冇我想像中咁有意義，因為佢哋夾好晒，我就咁剪，好貪得意咁！」
新手爸爸冇假放
說到太太與BB的情況，Jason坦言兩個都相當好，現時Sarah餵人奶，問是否請假湊B及幫手換片？他說：「唔係呀！我聽日都要拍嘢！Sarah嘅媽媽返咗嚟香港，所以有陪月同媽咪陪佢，我會放心。（初為人父好緊張？）唔緊張，要放鬆心情，唔可以亂，不過真係好開心。」
昨日無綫節目《東張西望》亦公布Sarah誕下麟兒的喜訊，並指在家休息的她心情奇怪又開心，現努力學習如何餵哺母乳。