秋官玉珮傍身陶大宇生人勿近

鄭少秋（秋官）、陶大宇、麥子樂、游學修及陳安立等昨日在荔枝角拍攝ViuTV靈異劇《詭探前傳》，秋官稱日前在盂蘭勝會的神功戲棚取景，心情戰戰兢兢：「見到個環境都幾驚，有個兩三層樓高嘅神像，燈光又藍又紫，都有少少戒心，加上又係七月節。」

唔夠猛 搵觀音坐鎮

秋官坦言拍攝時不敢亂開玩笑，怕講者無心，聽者有意，並戴了觀音與玉珮傍身以求心安：「接呢套劇時都有提醒自己醒醒定定，個玉珮係師傅送，佢話我個人太溫馴，唔夠猛，送畀我有個平衡，唔好畀人蝦。」

至於陶大宇自言角色殺氣重，生人勿近，慶幸拍攝時未遇靈異事件：「農曆七月拍呢類劇好敏感，但七月十四當日冇開工。」麥子樂爆料指當日原本要開工，因劇組聲稱場景未搭好而取消。今日生日的大宇稱早已攞假，會與家人食飯慶生。

顏子菲 生半個夠數？

此外，顏子菲與有份拍攝《詭》劇的張敬仁前晚出席電影首映禮，張敬仁透露稍後會參與靈異節目拍攝。而抱恙在身的顏子菲提到將來生仔，笑言生兒育女太貴，可以揀的話只想生半個。

大宇指在農曆七月拍靈異劇相當敏感， 幸而大家未有遇上怪事。	今天55歲生日的陶大宇，早已向劇組請假陪家人食飯慶祝。	顏子菲前晚出席電影首映，透露因氣管炎變「男低音」。
張敬仁稍後拍靈異節目，望有陰陽眼的人同行。