庄嘉慧暴瘦跌Watt 工藤佑采現紅印
昨午一眾佳麗穿泳衣亮相總綵排，部分佳麗卻明顯跌Watt！(9)工藤佑采被發現肋骨位置有紅印，她解釋：「可能係瞓覺時（抓）損咗，我本身皮膚比較白，（抓）一（抓）就會紅，好多佳麗都有皮膚問題。（好大壓力？）唔係。（用咩方法急救皮膚？）驚愈捽佢愈紅，等佢自然散好啲。」她大讚眾佳麗表現平均，當中特別喜歡(14)何泳芍的身形：「歐美啲，加上又有肌肉。（係你最大勁敵？）都係o架！」
至於早前因皮膚問題缺席活動的(2)庄嘉慧暴瘦，她說：「我減咗消夜，體重由原本嘅49kg跌到落45.5kg。我食消夜好誇張o架，可以食到兩盒雞飯同一隻童子雞。（會唔會因為皮膚問題又請假？）唔好喇，我好想大家見到我o架！」
