陳家樂酒店撞鬼仔踩上床唔畀瞓

外遊最驚住正間「猛鬼酒店」，藝人陳家樂早前到馬來西亞宣傳，便在酒店房遇上靈異事件！他表示自己房間的匙卡有問題，但因當時太攰，便到助手的房間休息，瞓到模模糊糊的時候，突然間聽到「叮噹」一聲：「好似有人行咗入嚟話我張匙卡搞掂喇，但我攰到繼續瞓乜都冇理，就喺呢個時候突然感覺到有股『力量』，由床尾一步一步咁踩到上去我個枕頭度，當時我心諗：『同事做乜咁百厭？』點知接住有把細路聲同我講：『我唔畀你瞓！唔畀你瞓！』聽到嗰下我真係成個人醒晒，睜大對眼但身體郁唔到，望向洗手間又見到個同事喺度忙緊，即係頭先嗰個一定唔係佢！」但他強調本身並非容易招惹靈體的人：「可能當時太攰而產生幻覺，我唔敢肯定係咪『撞到嘢』……」信不信由你！