婦產科專科醫生余啟文指45歲以上的女性，人工受孕成功率只得一成：「年紀愈大成功率愈低，就算之前生過幾多個都好，都唔會增加成功率，因為年紀愈大卵子愈唔健康，30歲前卵子其實係最好，35歲以上已經係高齡產婦。」
問到人工受孕過程？余醫生表示靠藥物及打針令卵巢休眠，促進及控制排卵：「當卵子成熟可以抽出嚟，拎埋佢先生嘅精子結合，之後再放番入去。（事前要打幾多支排卵針？）要睇反應，最基本打足一星期，每日打一針，打落去皮下脂肪同肚皮。（有冇副作用？）可能會暈同嘔。」他又指香港公立醫院收費3萬元以上，私家醫院則逾10萬元，並指曾有50歲以上的女士人工受孕成功，但只屬個別案例。