前中國小姐趙哲妤（Uny）昨日以短裙晒線拍廣告，指身形和皮膚較以前好：「生咗BB後，上圍豐滿咗，條腰瘦到得23吋，可以着番選美嘅衫，所以啲人都唔信我生過小朋友。」對於今次酬勞，她亦相當滿意。問到男友有否大讚身材Fit爆？Uny直言現時單身：「依家都有同其他男仔出街，感情狀況係開心，我會小心揀一個真係可以長遠發展。（唔驚畀人話收兵？）通常我唔啱嘅男仔就會拒絕。」
