楊卓娜唔恨加人工
藝人楊卓娜、關楚耀、陸詩韻及李綺雯等前晚到大埔拍攝飲食節目，談及楊卓娜有份演的劇集《BB來了》口碑好，她稱不恨加人工：「寧願畀多啲好嘅角色我！」又透露8月底帶囡囡到海南島玩，因工作忙少陪女兒而感內疚。而昨日她接受電台訪問時，指囡囡返老公公司「幫手」賺零用錢：「我叫老公幫個女整張打卡紙，五蚊一個鐘，畀佢經歷吓，一個月都有幾十蚊。」
另外，關楚耀忙於宣傳新劇《特技人》，透露本周會播出騷肌戲，讚同劇的肌男胡諾言更吸引：「佢未試過為拍劇除衫，佢嗰排肌肉包保男女老幼都睇到流口水同笑呵呵！」至於日前捧許冠傑及譚詠麟演唱會場，令他勾起不少回憶，從歌詞中學識凡事勿斤斤計較。