栢芝媽餐廳驚現幽冥鬼手
踏入農曆七月，正是鬼門關大開，流傳不少恐怖鬼故事，「鬼王」潘紹聰多年來聽過不少藝人的靈異經歷，其中一個是張栢芝媽咪的餐廳影到鬼手，有圖有真相，問你驚唔驚？
潘紹聰主持靈異節目多年，聽過唔少鬼故事，有些更是他親身經歷，本報請他連續幾日講幾個真人真事的恐怖故事，有些更有圖片看到鬼影幢幢，包你睇到心驚驚！
「靈體唔好彩畀佢影咗」
他透露有個朋友幾年前在西環張栢芝媽咪戴莎妮開的餐廳食飯，期間朋友攬住隻狗影了張相，甫上網後，他突然發現相中有隻手好古怪：「嗰隻手好長，係黑色嘅，仲要戴埋戒指，佢立即好驚，因為當時個環境後面係完全冇人，亦冇Poster任何嘢，佢驚到即刻去大坑蓮花宮搵師傅，師傅話係有個靈體唔好彩地畀佢影咗。」之後朋友都驚咗好耐。照片所見，真係零零舍舍有隻不合乎比例的手伸出來，睇落好詭異！
其後潘紹聰認識栢芝媽，也曾談及這宗怪事：「我同佢（栢芝媽）講番呢件事，佢又唔係好驚，佢話喺嗰度做生意時冇遇過呢啲怪事。」