陳爽想出索媽寫真

藝人陳爽與陳美齡昨日出席書籍活動，問到身為人母的陳爽可考慮出媽咪寫真集？她說：「咁要向思琦學習。（有睇？）有睇報道，影得好靚，Keep得好好。」又表示暑假結束後便會去歐洲及紐約出席兩個朋友的婚禮，問其中一個是否苟芸慧？她揚言未能透露，又指一對子女會做花仔花女。而陳美齡本月20日便踏入63歲，將返回日本與老公慶祝。
陳爽見到楊思琦出寫真，自己亦心郁郁。
陳爽見到楊思琦出寫真，自己亦心郁郁。

同場的何基佑則開心承認再做老竇：「有日同仔仔旅行，佢突然話就嚟有個妹妹，太太先話有一個月冇嚟，之後一驗就真係有咗，仲真係女嚟！（有冇問囝囝點解咁講？）我問佢係咪天父同你講？佢話係喎！」並透露預產期是12月28日，但他希望BB於29日出世，與嫲嫲同日。

陳美齡笑老公不浪漫，故不期待生日驚喜。
  • 陳美齡笑老公不浪漫，故不期待生日驚喜。