黃秋生夾好時間等過招

由謝君豪、劉嘉玲、秦沛主演英皇舞台劇《奪命証人》於8月11日演出第12場，台前幕後工作人員於開場前搞了個小慶功，該劇老闆楊受成以名店蛋糕萬歲，讓大家開工前放鬆一下。

未演完唔敢放鬆

嘉玲坦言時間過得真快，還有五場就完結，開始有點依依不捨：「其實到今日我都仲係緊張，我係咁o架，唔會放過自己，唔會話愈演愈熟愈鬆，一鬆我就會出錯o架啦，到最後20號嗰場完咗喇，我先會真正放低囉！」

眾星捧場躍躍欲試

該劇公演以來，有不少藝人捧場，計有古巨基、容祖兒、佘詩曼、楊千嬅、黃秋生、葉德嫻等。秋生大讚嘉玲、秦沛氣場很大，一出場已經氣勢力壓整個舞台，演出精彩，又說一直希望與嘉玲合演舞台劇，兩人亦曾傾過，因雙方都忙，希望可以在兩年內成事！而基仔、阿佘與祖兒看畢舞台劇，都對演舞台劇興趣大大提升，很想一試。

黃秋生希望兩年內能與嘉玲合演舞台劇。	《奪命証人》演出接近尾聲，台前幕後先來個小慶功。	楊千嬅與老公丁子高捧劉嘉玲場。

嘉玲對於被秋生讚賞，笑言多謝：「我都好想同佢一齊做舞台劇，講咗幾次o架啦，睇吓大家未來係咪真係夾到時間，佢都係大忙人。」