經營小食店的藝人譚小環，昨日到中環出席活動分享投資心得，透露月底將開設兩間店，她指早前有兩間分店因租金貴而結業，新店開業後將總共經營四間舖以及食品中央工場：「開工場係想控制番食品質素，新店就會有多啲清涼嘅新產品。」她表示今次投資了七位數：「都係投資基金拎部分出嚟，投資就係咁，希望長做長有。（七位數收息都賺唔少？）我呢啲叫進攻型，做生意就要有本錢，我信畀心機就有回報。」她直言希望舖價回落，可以投資買舖，到時候會考慮開餐廳。
