港姐陳苑澄開車門跳舞拍片網民爆粗圍剿

最近網上流行「Kiki Challenge」，挑戰者需在汽車行駛期間打開車門，落車沿途跳舞，整個過程由駕駛者拍下。前組合As One成員、應屆候選港姐陳苑澄亦熱捧這項挑戰，日前上載短片，片中的她露腰晒腿，落車前更向着鏡頭派心賣萌，之後音樂響起，她即隨節拍起舞及落車，此時私家車仍持續慢駛，她在車外起舞，並配合車速邊跳邊前進。期間，她伸手入車廂取出綵帶，之後繼續無視危險表演絲帶舞，而車門就全程打開，有一定危險性。一輪熱舞後，她隨手拋掉綵帶，再跳進行駛中的私家車，最後對着鏡頭擺出可愛表情。

對於其「高難度」演出，網民一面倒表示反感，更有人用粗口留言斥責，指她一心博見報，又問：「扮可愛定係真低能？」亦有網民指摘她此舉危害其他途人，加上亂拋垃圾，實在不知所謂。

鄧以婷馬路拍「壯舉」

其實除了陳苑澄外，香港不少藝人亦有接受這項挑戰。「火雞姐」丁可欣上月曾上載短片，她選擇在停車場拍攝，由於該處空間有限，當時網民已替她抹一把汗；無綫新咪神鄧以婷更在馬路中心拍下「壯舉」，同樣被網民鬧爆，之後她火速刪片；蔡思貝緋聞男友兼排舞師麥秋成，同樣在馬路中心拍片，並留言：「我又玩！我哋香港又要玩！」他昨日接受本報電話訪問，強調自己在絕對安全的情況下跳舞：「當時搵咗一條私家路嘅掘頭路拍，有成隊Crew睇住路面交通情況。（呢件事好危險？）香港人比較保守，創作係需要多啲嘗試。」對於陳苑澄被鬧爆，他表示「沒有意見」。

Eddie知衰耍冧

另外，網上亦流出彭懷安（Eddie）曾與兩名友人拍下靜止版的「Kiki Challenge」，三人在馬路落車後對住靜止的鏡頭起舞，身後不時有車輛駛過，感覺同樣牙煙！Eddie被問及此事，坦言事前不知道違法：「唔好意思呀！大家唔好以身試法，想跳就去安全地方跳啦！」