亞姐搵志偉做司儀？何麗全：叫佢諗吓！

《2018亞洲小姐競選》舉行在即，適逢今年是亞姐30周年，亞視落重本大搞，香港賽區賽事於9月16日舉行，選出5位佳麗連同其他賽區的15位佳麗進入總決賽，20位佳麗將赴韓國知名娛樂公司接受特訓。除出外景，今屆的獎金獎品將超過100萬，總決賽將於11月25日舉行。

飛韓國拍外景

亞洲電視高級行政人員何麗全昨日出席茶敍時說：「今年會有后冠，有價值嘅！（值幾錢？）有價值啦！依家設計緊，會係歷年嚟最貴嘅。」又笑指會歸還2011年亞姐冠軍馮雪冰所欠的后冠。他亦透露明年亞視將開拍《英雄本色》電視劇，獲獎的亞姐將會參與拍攝。談到無綫今年港姐在西貢拍攝外景，而亞姐則赴韓國，何麗全說：「各有各做啦，方式唔同！」問可想過邀被指遭無綫封殺的曾志偉擔任司儀？他說：「係咩？唔好難為啲朋友啦！（搵佢？）除非佢搵我啦！叫佢自己諗吓啦！」

馮雪冰獲補發后冠

前亞姐馮雪冰與顏子菲則羨慕準師妹可以赴韓取景，子菲直言亞姐宣傳攻勢勁，身邊有朋友收到邀請參選的電郵。問可會介紹朋友參選？馮雪冰說：「身邊有好多好漂亮的朋友，但她們都已經當媽媽了！」談到何麗全為馮雪冰補回當選亞姐冠軍時的后冠，她直言驚喜，又指因當年亞視變動大，她不想麻煩別人，故沒有追問。