張秀文與愛犬共浴波波壓驚

張秀文當太郎仔咁錫，愛心澎湃。

視太郎為己出的秀文，對牠照顧有加，擔心沖涼這個「大行動」會令牠不習慣，便出齊很多玩具如波波等來讓牠鎮定，秀文說：「我怕太郎驚，我會陪佢一齊沖涼。（肉帛相見？）我怕佢失控時啲手甲抓傷我，我都好醒目，會着長袖衫、長褲，幫太郎沖完就到我自己沖，不過，佢好熱情，有時我啲手臂、心口都會有紅印。（被懷疑遭虐待？）哈哈，咁又唔會，因為大家都知我有養狗，我太錫佢啦！最多咪用遮瑕膏遮住個紅痕囉！」

最怕風筒響聲

香艷的時光過得特別快，到了太郎九個月時便要講拜拜，因其體重已達9kg，秀文無法獨力處理，惟有改到寵物美容店扮靚，秀文說：「其實依家帶佢去美容店會較方便，因為可以一條龍服務，幫太郎沖涼、剪毛、剪手腳甲，所以喺清潔方面，在我嚟講係幫輕好多！（太郎享受？）其實佢每次去親沖涼都會有啲驚，唔會有享受樣擺出嚟，但我會喺旁邊氹佢囉，依家嚟慣咗，都好好多，只係怕吹風筒時嘅聲音，我陪住佢好啲嘅！」

太郎最怕風筒發出的噪音，幸有主人愛心安撫。	秀文一時技癢，在寵物店為愛犬侍浴。	為免抓傷別人，剪指甲是必做的事。

場地：田園寵物酒店