陳嘉容擇偶唯一條件：唔好矮過我
名模陳嘉容（Eunis）近期搞作多多，除了擔任ViuTV主持外，還開班教儀態，現時又與朋友合資搞生意，她說：「依家有幫啲保險、金融公司做形象顧問，開班教儀態，提升佢哋嘅氣質或者點樣面對傳媒，見到啲人出嚟嘅效果有進步，都好開心！同埋我嚟緊會同朋友搞網上時裝生意，賣Cashmere圍巾、冷衫等，應該好快成事。（投資幾多錢？）都差唔多七位數字，因為Cashmere本身都貴。」
問到工作如此忙碌，是否沒時間拍拖？她說：「我都想拍，但冇得強求，等天安排，可能個天呢個時間係安排我工作。（對男友有咩要求？）冇要求，唔好矮過我就得，咩國籍都冇問題，自己性格都幾西化，所以同外國人都溝通到。」
