徐小鳳備戰開騷香港九龍「巡唱」
徐小鳳一連六場《金光燦爛徐小鳳》演唱會昨日進行綵排，她以陳百強經典歌曲《今宵多珍重》作排練歌，並表示演唱會準備了接近50首歌，除有大家熟悉的歌外，還有一些較冷門及很久沒有唱的歌，她亦選唱了喜愛歌手的金曲，計有陳百強、達明一派和盧冠廷等。
今次相隔兩年多再開演唱會，徐小鳳直言準備方面很認真：「都有好多準備，每次都好緊張。（開咁多次會駕輕就熟？）都唔係o架！（請埋啲嘉賓上台？）我梗係想啦，睇佢哋有冇時間。（開六場夠嗎？）要睇觀眾。（巡唱？）冇所謂，都係睇觀眾，我成日都香港、九龍巡迴o架啦！哈哈！」對於最近老友譚詠麟和許冠傑在紅館舉行演唱會，她笑言要跟他們鬥靚。