馮盈盈奉陪男友打友誼波
馮盈盈前晚在銅鑼灣出席活動，喜歡打機的她自爆在屋企不時會與男友打「友誼波」，原來只是玩足球Game，切磋球技！
藝員馮盈盈、鄺潔楹、鄧佩儀、余思霆前晚出席無綫big big channel《夏日VR明星決戰》活動，鄺潔楹、鄧佩儀與余思霆即場玩VR遊戲，兩位前華姐冠軍鄧佩儀與余思霆玩遊戲機時也儀態十足，斯文淡定，但有「仙氣女神」之稱的鄺潔楹，則玩到手舞足蹈，(口依)嘩鬼叫，完全不顧形象，不過，卻是三人之中最低分！
打機冇天分
沒有落場打機的馮盈盈表示，平日會與男友Martin打「友誼波」，她笑說：「我男友好鍾意玩體育Game，好似足球Game咁。我都有同佢對打，但真係叫做友誼波，因為我打得好渣，哈哈。」
打機經常包尾的鄺潔楹笑說：「我打機真係冇乜天分，其實之前喺公司玩過一次，但都係包尾。」馮盈盈聞言即笑說：「打機唔叻仲好，咁男朋友就可以捉住你對手，慢慢教你玩啦！」鄺潔楹即笑說：「但係我冇遊戲機，又冇男朋友呢！」
糾正懶音被讚
最近馮盈盈忙於拍攝新劇《解決師》，她要多謝張頴康像教女一般，逐個字糾正她的懶音，連監製也讚她懶音大有改善，不過，拍攝動作戲時她卻搞到周身瘀，特別是一雙美腿最傷。
