55歲黃德斌秘密入紙娶妻生B要諗諗

近日憑電影作品再度人氣急升的黃德斌，與相戀十多年的圈外女友黃美恩（Joyce）感情要好，揚言要事業有成才迎娶女友，他終於「找數」，其擬結婚通知書亦告曝光！二人秘密入紙申請註冊結婚。

唔擺酒食餐飯

德斌接受本報電話訪問時，難掩喜悅說：「覺得係時候咪去做，冇乜特別，我之前都講過隨時會（結婚）啦！」對於求婚過程，他指十分簡單，婚禮也會一樣：「戒指係基本啦，冇特別去求，花暫時都未送。（求婚時Joyce有冇感動到喊？）冇，大家都咁多年啦。唔會擺酒，婚事一切從簡，都係喺香港簽字，然後同屋企人食飯。（度蜜月？）睇時間啦，旅行耐唔耐都會去。」

升呢為人夫，但為人父則要深思熟慮，他說：「呢個問題好重要，生BB一定要諗清楚，暫時未諗。」對於近年常被拍得與女友帶着BB「一家三口」出巡，因而被指已秘密生B，他立刻否認：「如果係我嘅一定會認，網絡世界咁多資料消息，可以喺好多年之後搵番，我點可以唔認自己嘅小朋友？將來點去應對呢？」

黃德斌同Joyce拍咗十幾年拖，形同老夫老妻。	余香凝	吳鎮宇（左起）、余香凝、胡子彤、黃德斌等前晚一起謝票。

女Fans要愛的抱抱

另外，前晚他與吳鎮宇、余香凝、胡子彤及導演陳詠燊出席電影謝票活動，德斌大受現場觀眾歡迎，有女觀眾要求愛的抱抱，他笑說：「送抱抱冇所謂，唔係泡泡浴就得。（胡子彤讚你係最弗大叔？）身材好之外，其他都唔好！拍嗰時我要肥啲，我亂食嘢都唔肥，導演要畀假肚腩我戴。」鎮宇表示想不到有內地網站高度評價電影，他說：「希望院線一齊幫手，唔好再取笑我哋冇香港電影。」而余香凝則說面對眾多男演員初時有點怯場，惟有當自己係男人。