歌手鍾鎮濤（阿B）昨日以舊電影《表錯7日情》的保安造型現身電台，宣傳11月24及25日舉行的紅館騷，笑言事隔30多年現已升職為G4，不過檢查員工證時卻冇人理：「有啲人講笑話娛樂圈難搵食，所以我轉咗工！」提到溫拿樂隊和剛滿14歲的女兒鍾懿屆時會上台演出，阿B指觀眾已見慣他們：「鍾懿以前求我先畀佢唱，今次我叫番佢囉。女大十八變，佢以前紮紮跳、搶嘢講，依家成日笑笑口，但唔知佢諗乜。」
