阿倫爆志偉另起爐灶有印度油王撐！

阿倫笑志偉實行將獎門人國際化。

頭場兩人少說話多唱歌，更不時走到觀眾席握手。阿倫稱去年開Part Ⅰ時，衞生署因流感關係，呼籲大家減少身體接觸，今年趁未有公布，阿Sam即笑言：「咁可以攬攬錫錫喎。」完騷後兩人受訪，提到演出超時累老闆被罰錢，阿倫笑言自己就是老闆，若跟足綵排用的時間，還有半小時未唱，而阿Sam稱他開騷超時得更犀利，阿倫笑說：「即係我哋做壞咗規矩先。」

獎門人有大Project

提到好友曾志偉遭無綫「封殺」？阿倫說：「真係？我知志偉有個大計劃要搞，今晚叫咗佢都冇嚟，我知佢要另起爐灶，最近佢識咗個油王，有個油王支持佢，喺印度嘅，好堅o架，行向國際，第一個節目就係國際超級無敵獎門人，搵『侵侵』同『金仔』打泥漿摔角。」令在旁的阿Sam聽得一頭霧水。問阿倫會否做和事老？他笑謂：「志偉為港姐搞氣氛同宣傳，邊有嘢。（有問志偉？）我唔問呢啲，佢自己報料，但佢未報，知我忙嘛。阿Sam你又唔知咩事呢！你唔好理呢啲俗世事。」

兩人笑言做壞規矩，經常開騷超時。	阿Sam與Dancer共舞，炒熱氣氛。	曾志偉

此外，對於歌手盧凱彤（Ellen）墮樓亡，阿倫表示開騷前才知，因她剛簽環球還打算在音樂上合作：「呢種病呢，唔知幾時會發作。我諗屋企人同朋友，要多啲關心有呢種病嘅人，真係好可惜，咁後生。」阿倫跟Ellen不熟，都是活動上碰過面，只可說可惜。阿Sam亦表示好痛心，要珍惜眼前人。