「刀疤Sa」滑水破相：繼續大紅
藝人蔡卓妍（阿Sa）趁住前日放假出海滑水，不幸發生意外，前晚她在Instagram（ig）上載一條有型有款的滑水短片，最後卻失手跌落水，而另外兩張相見她已受了傷，左邊額頭爆缸，傷口頗深長，令人擔心，她留言：「第二次wakesurfing，終於滑到超過2秒，不過之後就……」不少粉絲見到相片大叫心痛，她卻樂觀的鼓勵自己：「#慶祝入行18年#見紅#好嘢，係咪即係繼續#大紫大紅。」
改劇本遷就
她接受訪問時解釋，跌落水時其實人、板已經分開，但剛好有浪將塊板沖回來，撞到頭部，她即晚找醫生縫針及打破傷風針。問到可擔心破相？阿Sa笑言：「破咗啦！（驚唔驚有疤痕？）可以更加有Character囉，刀疤Sa，哈哈！」現時傷口要黐住膠布，之後與林峯開拍電影《神探大戰》的她說：「好彩戲裏面做警察，有傷口都好合理，不過好似要改少少劇本，覺得唔係咁好意思。」由於傷口不能浸水，要痊愈了才能再滑水，可能要等下個夏天。
一眾圈中好友容祖兒、關智斌等十分擔心阿Sa，而好姊妹鍾欣潼（阿嬌）日前亦因不小心整親腳，她留言自嘲兩人真是「Twins」，同病相憐，阿Sa就用她們的歌來回應：「大紫大紅，紅人紅事多姿多彩。」
