湯怡淚浸終極謝票

藝人湯怡與原島大地主演的英皇電影《某日某月》口碑不俗，由5月開始播映，票房超逾400萬元。本月1日最後一場，導演劉偉恒與湯怡親臨戲院作終極謝票，並大派珍藏海報及信封。劉偉恒說：「當大家擔心票房反應嗰陣，我提議狂做宣傳，跑咗超過130場謝票，感謝公司畀我任性一次，同時要多謝各界支持。」湯怡亦說：「我唔想太沉重，亦唔想講太多，因為唔想再喊！」但她最終被專程來捧場的好友張惠雅搞喊，對方問：「今日嚟到最後一場，有乜嘢最唔捨得？」湯怡即忍不住淚水說：「我講嘢唔叻……第一次做女主角，壓力好大，大到會喺屋企喊，好冇信心……好多謝有呢個機會，等咗10年。」