許廷鏗無心插柳匿自修室變詩人

許廷鏗創作每首歌背後都有一個感人故事。

由2009年參加無綫歌唱節目《超級巨聲》至今，轉眼Alfred已入行接近十年，更推出過不少令人喜歡的歌曲，他不只唱歌，還嘗試填詞，更大爆歌曲《面具》是其人生中第一份詞：「我記得當時我讀緊書，喺學校圖書館嘅自修室溫書，溫溫吓又去咗聽歌，之後聽聽吓就覺得自己詩人上身，就係咁寫咗呢份詞，令我非常難忘同珍惜。」又透露從此開創填詞之路，亦多了機會填詞。

為朋友媽媽打氣

至於《時光》一曲背後，同樣有一個感人的故事，當中寫到「記得守過諾言，誰能料到時光中的變遷」，原來這是Alfred特意送給一位患上中風的朋友媽媽：「當時佢媽媽突然中風，我同公司講好想要一隻歌送畀佢，之後我記得用咗一個星期填詞，當錄完呢首歌後，佢媽媽就係我第一個聽眾，當時喺佢耳邊播畀佢聽，希望佢可以快啲好番。」故對他而言，這首歌有深層意義，絕對是一份的祝福。

主持人禮賢同學與許廷鏗大談難忘回憶。

許廷鏗憶述初次填詞仍在求學時期。