羅堃尉初演阿媽邊聽邊喊
模特兒羅堃尉（Karen）曾擔任主持、模特兒和演員，幕前經驗豐富，惟她直言曾演媽媽角色，令她至今難忘：「初頭導演都驚我做唔到嗰種感覺，佢不斷同我傾要點做，我一路聽一路喊，因為覺得個劇本好感動，個角色好似我媽媽，所以做嘅時候諗番起平時媽媽係點對我，就做番嗰種感覺出嚟，最後令導演好滿意，反應好好。」
近日她更擔任無綫節目《美女廚房》的美女學徒，大爆其中一集兩位女神湯洛雯和倪晨曦的趣事：「嗰次佢哋整咗豬手，點知啲主持食食吓話好似有洗潔精味，而我好似見到佢哋煮食時用咗塊碗布，包住豬手索水，我睇到都有啲嚇親，因為我哋平時會拎嚟抹嘢！」
場地：WatahhhFitness
服裝：sparkleconcept
