陸浩明日本置業一炮過Full Pay

6號去年曾於台慶頒獎禮入圍「飛躍進步男藝員」，今年再接再厲，短短數月內已有5個主持及2個擔任嘉賓的節目播出，有望成為「主持界接班人」。提到備受無綫力捧，他笑言是演藝生涯上的高峰：「之前有網友發現，原來星期一至日都有我嘅節目，對我嚟講都幾有紀念價值，真係好多謝公司咁畀機會。（想攞飛躍？）都恨o架，始終靠綜藝攞唔容易。 」

80萬大阪買House

提到人氣急升兼收入豐厚，他自爆已儲夠錢在日本置業，初嘗「一炮過Full Pay」買樓的滋味：「我同女友都好鍾意日本，所以喺大阪中心地區買咗一間House，大約80萬港元，主要用嚟投資、收租。揀大阪因為係旅遊區，比東京平啲，同埋80萬喺香港可能只係買到車位，所以去日本投資比較易應付到，可以一炮過。」

雖然近年事業發展不俗，但原來他曾有兩次低潮期，除了經歷有線YMC殺台被迫轉型外，原來由有線轉去TVB時，亦曾有過憂慮：「舊公司收入好穩定，夠供車供樓，去到新環境要重新嚟過，但都三十出頭，想有啲新挑戰。」他又感激女友支持，並多謝肥媽帶挈他迅速入屋。

6號感激女友一直以來不離不棄。

對於馮盈盈（右）及麥明詩，6號笑言好難應付。

「憎」馮盈盈麥明詩

講到近期與眾多新進主持合作，他笑言「最憎」馮盈盈及麥明詩這對孖寶：「初時我以為《後生仔》係正經資訊節目，點知佢哋少少鹹多多趣，有時真係好難兜，依家直頭放任佢哋。不過都係一個新衝擊，亦因為咁而令節目爆紅，所以對佢哋係又愛又恨至真。」

場地：Hygge Cafe & Bar