楊秀惠用手語攰過打牌

藝人陳山聰、楊秀惠日前到旺角拍攝新劇《十八年後的殺人告白》一場動作劇，講述演啞女的秀惠騎電單車勇救被仇家追斬的山聰。秀惠與山聰都不懂騎電單車，飛車戲要由替身上陣，但山聰被打的戲份則要親自演繹，難免周身瘀。
楊秀惠騎上電單車英姿颯爽，但其實得個樣。
楊秀惠騎上電單車英姿颯爽，但其實得個樣。

雖然不用飛車，但秀惠有另類「動作戲」，她說：「我要用手語講對白，壓力真係大到想喊。真正手語會配上誇張表情，因為導演覺得畫面上唔好睇，所以我畀好多心機喺手部動作，動作要大又要靚，拍完攰過打完麻雀咁！」問演啞巴是否較少對白？秀惠說：「唔係囉！都要錄對白配番做心聲，所以都有對白要講。」

山聰大讚拍檔叻，踢爆秀惠挑戰以手語唱歌。
  • 山聰大讚拍檔叻，踢爆秀惠挑戰以手語唱歌。