鄧麗欣高調放閃情侶檔（抓）撈

鄧麗欣日前受訪，大談拍攝電影《L風暴》的驚險事，戲中有多位型男坐鎮，包括古天樂（古仔）、張智霖、鄭嘉穎等，Stephy是戲中唯一女將，跟古仔有最多對手戲，但全程以追逐戲為主，當中不乏危險場面，她說：「有場喺馬路拍嘅戲，啲車好高速咁喺我身邊穿梭，我同啲車距離好貼，雖然鏡頭只有幾分鐘，但拍咗成日，因為個位要試得好準。我冇乜經驗，所以好謹慎，聽足大家指示，唔想出錯，怕累到大家，拍嘅時候都有少少怯，好在我只需要做番真實驚嘅表情。」

讚古天樂淡定

不過，Stephy坦言與其他演員相比，已經相當舒服：「另一場係古仔開車去避開其他車追捕，幾危險同辛苦，同另一部車差啲撞，我坐喺隔籬又係負責做真實反應，但古仔好有經驗，好鎮定。（覺得古仔攞影帝前後有冇唔同﹖）拍嘅時候佢未攞，但已經覺得佢好有潛質攞。」

太危險無謂勉強

問到會否介意與男友王子合作拍戲，她坦言若劇本合適亦不會抗拒：「最重要係劇本好，唔係夾硬嚟。（如果情侶檔出品牌活動呢？）有錢齊齊搵唔錯，冇刻意諗係咪情侶檔，最重要適合啦！」此外，Stephy直言有興趣做動作女星，但太危險的動作則不會勉強上陣：「有時為咗套戲同大家着想，唔好夾硬嚟，保護自己好重要，如果真係受咗傷，仲累咗大家，之前拍戲試過拉傷，雖然唔嚴重，但已經影響拍攝進度。」

有運動底子的Stephy手腳靈活，拍動作戲毫無難度。	Stephy與影帝古天樂合作，大讚對方夠晒搏。	Stephy為新戲跌坐於馬路中心，險象環生。

髮型：Euling Chow@IL COLPO TST

化妝：Cyrus Lee

服裝：Bally

場地：小喇咩