沈卓盈冇份去飲：戥佢開心

沈卓盈戥陳凱琳開心，唔介意冇被邀請參加婚禮。

沈卓盈（Jess）、朱晨麗、譚俊彥、傅嘉莉及關楚耀等，昨日到九龍城宣傳無綫新劇《特技人》，眾人除了挑戰室內賽車外，更拗手瓜晒臂力。Jess透露緊接《天命》後再與譚俊彥及小演員合作：「好開心，今次唔使做特技，又靚又能幹，即係做自己囉！」

反擊佗B傳聞

問到是否已執好行李出席好姊妹陳凱琳的海外婚禮？Jess表示沒請假：「報咗好多課程，我要做個好學生，要學識晒。（冇請你飲覺得失望？）唔會，我哋都戥佢開心，唔會呷醋。」提到傳陳凱琳懷孕，她笑言：「吓？我唔知呀，見到佢我哋會抱住佢錫同恭喜佢。（爬你頭？）唔嬲呀，開心事。」至於陳凱琳昨日在社交網上載新相，見她穿上泳衣，在黃昏映照下的沙灘上拍照，腰肢纖幼，明顯反擊佗B傳聞。

而朱晨麗於《特》劇預告片穿泳裝打沙灘排球，獲網友Like爆，她笑言：「好多男演員都剝衫，關楚耀有裸跑戲o架！」提到港姐今年取消海外外景，與及曾志偉狂數無綫被封殺，不再任港姐司儀，她表示：「睇公司安排，每年都有新賽制，當年係志偉考我口才，仲拖住媽咪宣布我係冠軍，好難忘。」

朱晨麗（左）與傅嘉莉拗手瓜。	《特》劇演員玩室內賽車。	陳凱琳上載泳衣照，身形依然纖瘦。
《少婦聯盟》成員龔嘉欣（左起）、陳凱琳、沈卓盈及譚凱琪一向感情要好。