多年沒有參演港劇的陳啟泰（Ken）最近拍攝ViuTV的劇集《PLAN B》，他表示今次是被導演孔令政打動出山，跟年輕團隊合作好有衝勁：「同佢哋開工可以將自己團火帶番出嚟，同時都感受到自己真係老喇！早幾日同王宗堯拍一場動作戲拍咗7、8個Take，喘氣喘到差唔多要叫白車咁款，好在最後冇事，發覺自己真係要鍛煉多啲！」他被王宗堯爆是「金句王」，王宗堯說：「今次我個角色叫乳環，所以一開工Ken哥就幫我改咗個花名叫Nipple哥！」
