石詠莉遭鄧健泓「家暴」：佢摑我一巴！

藝人石詠莉（Sukie）、張惠雅（Regen）昨日現身大埔超級城參加活動，期間調製夏日消暑飲品。二人於活動後一同受訪，講到Sukie最近除了忙於準備新碟外，還為舞台劇排練，她笑言經常搵老公鄧健泓幫手排戲，卻意外發生「家暴」：「有個劇情係講家暴，佢要打我，點知佢摑咗我一巴喎！唔知佢係咪入戲得滯呀！我同佢都呆咗，點知佢跟住話『The show must go on』，不過事後佢都有同我講番Sorry。（好大力？）唔大力，都OK，但我以為佢作狀o架啫，好笑係佢唔係第一時間講Sorry。（佢第一次打你？）都係喎！」