譚凱琪拒絕洪永城求婚
藝人洪永城與譚凱琪昨午亮相無綫微電影《愛情沒有來的時候》記者會，席間洪永城被爆「論盡」，台灣外景期間帶鬚刨卻忘記帶叉電！他自爆：「我試過唔見咗成套劇嘅劇本，又試過出門前一晚發現唔見咗護照，不過我大事精明。（最大損失係乜？）錢囉！開工叫工作人員幫手睇住我啲嘢，所以要請大家食飯。」他表示有意聘用助手，記者指他應該搵女友，他說：「愛情沒有來的時候呀！」他又打趣「艷福無邊」﹕「喺KTV拍嘅時候，劇情交代有班約50歲嘅姐姐圍住我，佢哋又好熱情。」
剛從日本進修返港的譚凱琪今次客串，戲中要拒絕洪永城求婚。問到現實生活中可有遇過類似情形？她說：「未去到求婚，拒愛啫！拒絕人嗰個心都唔舒服，我會擔心對方反應。（係咪執定行李去陳凱琳婚禮？）我下星期開劇，8月亦冇請假。（等佢返嚟食飯？）呢個一定。（送乜畀佢？）佢鍾意整蛋糕，我諗佢收到朋友親手整嘅蛋糕，一定好開心。」