李佳芯：少咗機會做呢樣嘢
李佳芯與劇中可愛女兒「允豬」再見，迅即母愛氾濫。雖然她透露因忙拍劇，未來兩年也沒有生B計劃，但若有「意外」也會開心接受，更笑說：「我呢個年紀遲啦！有梗係開心！」
無綫劇集《BB來了》演員李佳芯、黃致豪（前名黃長興）、楊卓娜、徐榮、姚嘉妮與劇中一班BB昨日在新蒲崗宣傳。劇中李佳芯的可愛女兒「允豬」由六個BB分別扮演不同時期，昨日有四位「允豬」到場，她抱起又氹又錫，盡顯母愛。
呢個年紀都算遲
李佳芯指最開心是幾位「允豬」竟然認得她：「依家情況已經好好，拍攝時有啲小朋友唔理我，一係就喊，見到佢哋長大，覺得自己又老咗大半年。（幾時生？）睇人就快，自己湊就好漫長，暫時冇計劃，嚟緊都係開劇，唔敢有額外嘅計劃住。（生咗BB先結婚？）唔應該有界限，如果上天畀個小朋友你，我會要囉，人可以控制到好多嘢，好似依家忙拍劇，都少咗時間拍拖，少咗機會做到呢一樣嘢。（有意外會接受？）我呢個年紀都算遲啦！唔會接受唔到，所有嘢都係經歷，有梗係開心，梗係要啦！相信呢個如果都唔會喺呢兩年發生。」
