吳鎮宇拍肥人四部曲郁唔到！

藝人吳鎮宇、余香凝及胡子彤前晚出席電影首映活動，鎮宇的兒子及太太都有捧場。鎮宇自嘲是「肥人四部曲」，之前四套電影都要增肥演出，而現時已瘦下來：「之前肥咗8至10公斤，最肥74公斤，肥到80公斤郁唔到，古天樂咁瘦都有80公斤！不過增肥嗰時好開心，乜都食得，早餐飲豬肺湯，又食煎糯米雞，冬天暖笠笠好正。（花幾多時間減番？）慢慢，唔可以一下子，用咗一個月去減，我跑步。（要忍口好辛苦？）我好鍾意食，都係同之前一樣食咁多，但郁多咗，我同個仔講鍾意食嘢就要鍾意做運動，我中午飲珍珠奶茶，夜晚食完飯仲飲啤酒。」