林奕匡打機被老婆鬧

歌手林奕匡（Phil）及雷深如（J.Arie）昨日出席動漫電玩節活動，Phil表示小時候最喜歡的漫畫是龍珠，自覺似主角孫悟空：「有義氣，死都保護人。（Cosplay埋？）要練肌肉？戴假髮又唔襯我。」問將來會否容許子女睇動漫？他說：「其實都OK呀！我睇龍珠都學到人生道理，好似要做個好人咁，其實我太太都有儲龍珠漫畫，將來可以畀仔女睇。」他又表示最喜歡玩賽車Game，亦會跟老婆玩煮餸遊戲：「通常會玩到鬧交，但只係有佢鬧我，冇我鬧佢。」